Plantun de Prouvènço

Pèr coumpara dos planto d'encò nostre

Astragalus penduliflorus & Cycloloma atriplicifolium

Astragalus penduliflorus

Fabaceae Leguminosae

Nom en français : Astragale à fleurs pendantes.

Descripcioun :
Lou cese-fèr-di-flour-penjadisso se rescontro sus li tepiero roucaiouso de mountagno séusouso. Fai de poulìdi flour jauno que pendoulon lèu, en grapo de 5 à 12, pourtado pèr un pecou mai long que li fueio proche. Lou "calice" èi pelous de péu negre emé de dènt proun courteto. Se recounèis tambèn à si dóusso ventrudo cuberto de péu negre peréu.

Usanço :
Avèn ges d'entresigne segur sus aquelo planto. Pamens fau saupre que d'ùni cese-fèr (gènre Astragalus e Oxytropis) soun empouisounant (dounon de proublèmo néuroulougi).

Port : Erbo
Taio : 20 à 50 cm
Fueio : coumpausado
Tipe bioulougico : Emicriptoufite
Cicle bioulougico : Planto renadivo

Gènre : Astragalus
Famiho : Fabaceae
Famiho classico : Leguminosae

Ordre : Fabales

Coulour de la flour : Jauno
Petalo : 5
Ø (o loungour) flour : 20 à 30 mm
Flourido : Estiéu

Sòu : Si
Autour basso e auto : 1600 à 2700 m
Aparado : Noun
Juillet à avoust

Liò : Tepiero roucaiouso - Baus - Esboudèu
Estànci : Subaupen
Couroulougi : Ouroufito-Sud-Éuropenco
Ref. sc. : Astragalus penduliflorus Lam., 1779

Ciclolomo

Cycloloma atriplicifolium

Amaranthaceae Chenopodiaceae

Nom en français : Cycloloma à feuilles d'arroche.

Descripcioun :
Planto de l'an, forço raro au nostre, que trachis dins la sablo e li duno. La ciclolomo èi proun ramificado emé uno cambo en zigue-zague cuberto de péu en aragno. Li fueio, poupouso, dounon d'èr à-n-aquéli de l'armòu-fèr. Li flour soun en espigo e caduno caup 5 tepalo emé d'alo sóudado que vènon vióuleto.

Usanço :
La ciclolomo nous vèn d'Americo de l'uba. Lis indian Zuni (fotò) e Hopi (Pople Pueblò dóu Nouvèu-Messique) acampon li grano e emé la farino, mesclado à la de gros-blad, n'en fan de bouiaco e de sucrarié cuecho à la vapour.